الإختبار الرياضي للإناث بكلية الشرطة

الاختبار الرياضي للإناث بكلية الشرطة 🇪🇬👨‍✈️

الاختبار الرياضي هو الاختبار رقم 5 بترتيب الاختبارات
يعنى يكون جالك لائق فى الاربع اختبارات اللى قبلو وهم بالترتيب :
1-القدرات
2-المقاس والقوام
3-الطبي
4- الطب النفسي
بعد كدة هتسلمى الملف ووثائق التعارف ويتحددلك معاد الاختبار الرياضي

الاختبار عبارة عن ايه :
1- البطن
2- الوثب
3- المرونة
4- بديل العقلة
5- بديل الجرى (الجرى المعدل)

👈البطن : هتنامى على ضهرك وهيبقي فى ماسورة ادام وش رجلك عشان تثبتو وركبتك متنية بزاوية منفرجة وايدك فى مستوى صدرك او على صدرك وهتقومى توصلى لركبتك وترجعى تفردى ضهرك على الارض تانى
(30 عدة فى 30 ثانية)

👈الوثب من الثبات : عبارة عن صندوق خشب بتقفى عليه عشان تنطى كل الى عليكى انك هتقفى على الصندوق ورجلك مضمومة وهتنطى من غير ماتفتحى رجلك  (200سم فا اكثر)

👈المرونة : ودى عبارة عن صندوق خشب عليه مسطرة من فوق حضرتك هتقعدى على الارض ورجلك الاتنين مفرودين ادامك ومضمومين وساندين على الصندوق وهتميلى بجزعك لادام واديكى مفرودة ادامك عشان يشوف على المسطرة هتوصلى لكام مطلوب منك اقصى حاجة 40 سم

👈بديل العقلة : ودة عبارة عن ماسورة هتقفي عليها بس هتكونى مايلة بجسمك وهو مستقيم لورا وفى ماسورة تانية فى مستودى دقنقك كل الى عليكى انك هتفردى ايدك عشان تبعدى عن الماسورة على على دقنك وهتشدى نفسك عشان توصلى للماسورة تانى
(35 عدة فى 20 ثانية)

👈بديل الجرى (الجرى المعدل) : هتكونى فى وضع الاستعداد للجرى (يعنى رجلك الاتنين مضمومين على صدرك وايدك على الارض) وبعد كدة هتفردى رجليكى الاتنين لورا ( تاخدى وضع ثبات الضغط) وبعد كدة ترجعى تانى لوضع الاستعداد وتقفي كدة اتحسبلك عدة
(20 عدة فى 30 ثانية)

طبعا بعد كدة هتروحى وتستنى النتيجة على الموقع بس شرط علشان تنجحى ويجيلك لائق ويتحددلك الاختبار اللى بعدو تكونى جايبة فى مجموع كل الاختبارات اللى فوق دى اعلى من 40%