اجتياز كشف الهيئة بكل سهولة

ازاي تعدي كشف الهيئه ... ؟ 
ناس كتير متعرفش اللي بيتم فالاختبار ده عشان كده هنسهل عليكم الإختبار ونقولك اللي بيتم فيه وأفضل نصائح عشان تعدي فالإختبار

 اولاً ايه اللي بيتم في اختبار الهيئه ؟

بتلتزم بالزي المحدد للإختبار وهو :

1. قميص ابيض نص كم.
2. بنطالون اسود قماش زي بتاع البدله.
3. جزمه سوده برباط.
4. ساعه بلاستك رياضيه ودي تقريباً مش اجباري
5. حالق شعرك ودقنك كويس.

 ثانياً المراحل اللي بتمر بيها ... ؟

1. بتدخل من بوابه الكليه بتاخد تلقين اي شرح من رتبه هتستقبلك فالصاله
2. هيقولك تمشي خطوه معتاده وتلتزم بمكانك حسب ترتيبك 
3. وتخلي بالك من كل تصرفاتك ووقفتك تكون ازاي لان في كاميرات
4. هيحفظك ٧ حاجات اول ما تدخل هتقول تمام يا فندم وتبدا تقولهم ورا بعض

 ثالثاً ازاي تجتاز الإختبار ده بكفائه عاليه وتضمن انك تنال اعجاب اللجنه

1. وقفتك وقعدتك ومشيتك كله ميري قبل الدخول لان في كاميرات
2. تحفظ الـ ٧حاجات اللي هيقلك عليهم الظابط فالتلقين كويس جداً زي اسمك ورا بعض

تدخل قدام اللجنه فالهيئه بدون اي خوف او قلق او توتر

تقول اي حاجه باعلي صوت عندك حتي لو هتطرشهم عايزهم يقولو عليك اسد واقف قدامهم

تكون واثق جداً في نفسك ومفيش اي رهبه او خوف

1. تاخد هدف ثابت قدامك ومتبصش علي حد فيهم عشان متتوترش
2. اي حاجه يسالك فيها اياك تالف لو مش عارف قوله معرفش يا فندم
3. لو سالك علي حاجه وعايز ترد بـ ايوه او اه متقولش كده قوله تمام يا فندم اياك تقول ايوه او اه
4. ابدا الـ ٧ حاجات اللي ورا بعض بـ تمام يا فندم واختم بـ تمام يا فندم
5. اخيراً وانت ماشي تمشي بنفس طريقه دخولك متمشيش متراخي وخلي خطوتك مشيه معتاده.