تنويه هام لطلبة الثانوية العامة والأزهرية ولخريجي الجامعات | محمد سعيد

تنويه هام للطلبه اللى قدمت السنه اللى فاتت واللي حالياً فى الثانوية العامة والأزهريه واللي هيقدم فى الكليه الحربية والكليات والمعاهد العسكريه لازم من دلوقتى تجهز نفسك طبي تعالج نفسك من اي مرض اوتشوه ، تمارس الرياضة فى الجيم وحاول توصل لأعلى مستوى رياضي علشان مجموع الرياضي بتاعك يكون عالي علي مستوي المذاكره لازم تجيب مجموع مناسب للكليه اللى هتقدم فيها

 وهشرحلكم مجموع كل كلية والأوراق المطلوبة اما الإختبارات موجودة على الجروب وعاوزك تتأكد من حاجه إن القوات المسلحه بتاخد دايماً أعلى الدرجات لأن العدد كبير المجموع الكلى 1000 درجة بتتحسب على  الملف والإختبارات ومجموعك فى الثانوي واللى بيختار ويحدد ترتيب المجمايع هو الكمبيوتر مش فرد لان الناس فاهمه غلط يقارن بين زميله اللى أتقبل فى إختبار واحد هو كان أعلى منه ده غلط انت متعرفش درجاتك ايه ده تقييم وفى الأول والاخر ده نصيب ورزق كاتبه ربنا مفيش إنسان يقدر يغير قدر ربنا متسمعش لحد فاشل  يحبطك ويقولك الواسطه مش هتدخل من غيره انا بكررهلكم  تانى اقسم بالله العظيم انا دخلت إختبارات الكليه الحربية من غير واسطة وناس كتير فى دفعتى كده وكمان كانوا اهاليهم مش معاهم مؤهلات وناس معاها وسايط ومدخلوش بص لنفسك مش لغيرك واجتهد واتعب وبالنسبة اللي محصلوش نصيب قدم تانى السنه دى متيأسش يما ناس كتير دخلو من تانى مره ولازم تنجح فى الكلية اللى انت فيها عشان بيطلبو منك بيان نجاح وسحب الملفات القديمة فى شهر مايو وحتى لو محصلش نصيب اكيد ربنا كاتبلك التفوق فى مجال تانى صدقونى حياتنا كظباط مش مرفهه زى ما انت متخيل احنا كل يوم بنقد شهيد بطل من زمايلنا ودفعات اقدم واحدث مننا واسر بتقدم شهداء وبتضحى بوقتك وحياتك لأن ربنا اختارك لكده ارضي بما كتبه ربنا ليك لوعلمتم الغيب لاخترتم الواقع اتمنلكم جميعاً التوفيق واشوفكم زملاء لينا فى المستقبل👮

نسب الكليات والمعاهد العسكرية :-

1. الكليه الحربية من علمي وادبي مجموع 70 % الطول من 170 والوزن مثالى. 
2. الكليه الجوية من علمي وادبي مجموع 60 % الطول من 165.
3. الكليه البحرية علمي مجموع 70 % الطول 170. 
4. الكليه الفنية العسكرية علمي رياضه مجموع 92 % الطول من 170.
5. كليه الدفاع الجوي علمى رياضة مجموع 87 % الطول من 170.
6. كليه الطب العسكري علمي علوم مجموع 95 % الطول من 170.
7. معهد فنى عسكري علمى مجموع 65 % دبلوم صنايع مجموع 75.

الأوراق المطلوبة ياريت تجهزوها من دلوقتي علشان متتعبوش في الإختبارات 

1. القيد العائلى للأب والجدين من السجل المدني اعمله وجدوده قبل الإختبارات.
2. شهاده ميلاد الطالب. 
3. شهاده مؤهل الطالب أو صوره طبق الأصل. 
4. صوره مؤهل الوالد والوالده.
5. صوره بخلفيه بيضه للأب والأم جنب بعض بالطول.
6. صوره من مستندات ملكيه للوالدين. 
7. شهاده تحركات الأب إذا كان مسافر خارج البلاد.
8. إثبات قيد مختوم من الكليه للطلبه اللى في الجامعة.

قناتنا علي اليوتيوب من هنا