الكلية الحربية - مقال متجدد بكل الاسئلة التي تطرح بكثرة واجاباتها

الكلية الحربية - مقال متجدد بكل الاسئلة التي تطرح بكثرة واجاباتها

1- موعد تسليم ملف الحربية 

ج1 - بيكون مطبوع علي غلاف الملف ممكن تسلم بعد التاريخ دا عادي

2 - اروح الساعه كام اسلم الملف 

ج2 - بوابة تسليم الملفات بتفتح الساعه 6 الصبح بوابة رقم 9 

3- اخد معايا ايه وانا اريح اسلم الملف 

ج3 - تاخد ملف المرحلة الاولي وكرت التردد والبطاقه وخلي معاك بيانات بزيادة

4 -عندي مشكلة في القيد ومش هعرف اطلعة

ج4 - بتروح العباسية تعمل تعذر وتقدمة مكان القيد

5- عندي اخطاء في القيد وهصلحة بس معاك التقديم هيقفل 

ج5 - تروح تقدم الملف وبتعمل اقرار انك تجيب القيد لما يخلص

6- عندي دور تاني ومش هعرف اجيب شهادة المؤهل او حسن السير والسلوك

ج6 - تروح تقدم وتعمل اقرار انك تجبهم لما تنجح

7- اخر معاد لتسليم الملفات 

ج7 - يوم 25 / 8  حسب العالم 2016 

8- والدي علي المعاش اعمل ايه في ورقة الوظيفة

ج8 - بتجيب سركي معاش وتملا الورقه من مصلحة التامينات 

9- والدي مسافر اصورة هو والدتي ازاي 

ج9 - عادي تخلية يبعتلك صورة وتصور والدتك وتدبسهم جنب بعض 

10- ازاي اعتمد شهادات المؤهل

ج10 - تروح المدرسة الي انت متخرج منها وتخلية يعتمد الشهادة بختم الشعار

11- والدي ملوش شهادة مؤهل اجبها منين

ج11 - تروح الادارة التعليمية وتجيب منها بيان نجاح معتمد

12- تلفوني ضاع وانا مسجلة في الملف

ج12 -  تروح الكلية وتقولهم كدا عشان يبدلوا الرقم 

13- نتيجة السمات مظهرتش ليه 

ج13 -  نتيجة السمات بتظهر في اليوم المحدد ليك او بعدها بيوم 

14- اختبار السمات شكلة اية

ج14 - اختبار السمات 25 سؤال حسب عام 2016 مقسم علي جزء معلومات عامة وجزء رياضي وجزء ذكاء

15- انا رايح طبي اخد معايا اية

ج15 - كرت التردد والبطاقة وسلب ابيض سبعة وتكون صبور ومتعاون

16- انا سقطت في عيادة في الطبي اعمل التماس ازاي

ج16 - وانت هناك بتسال ازاي اعمل التماس وهما هيدلوك