لقاء مع ضابطات كلية الشرطة واهمية العنصر النسائي في الميدان

لقاء مع ضابطات كلية الشرطة وأهمية العنصر النسائي في الميدان

امتي فكرتي تدخلي كلية الشرطة واية اللي خلاكي تفكري في هذا المجال ؟؟ 

النقيب / سمر عبد الفتاح :  المجال مختصر علي الراجل فقط بس دلوقتي كل حاجة مدخله  العنصر النسائي ومجال جديد كتفتيشات لايجوز تفتيش الانثي الا بضابطات ودا اللي خلانا نفكر في مجال الشرطة وحاجة جديدة وفي اقبال اكبر وكان العدد قليل وكان المجال محدود ومكنش ظاهر وبتكون ضابط وليس ضابطة سواء في اكادمية الشرطة او اتحاد الشرطة الرياضي وهي لو مش حبه مجال الشرطة مكنتش دخلتوا من الاول وهو مش رمز للزينة خالص وفي حاجات مينفعش التدخل فيها غير الضابط ( السيدة ) كالتفتيش علي السيادات 

بندرب كل التدريبات الفروسية وحمامات السباحة ورماية وبندرب عليها باستمرار وكل شهر لينا تدريبات والدفاع عن النفس والاشتباك .

ملازم اول / دينا فؤاد : وجود الضابطة في الشرطة بيطمن المواطنين شوية يعني يحصل مظاهرة او وقفة احتجاجية السيدات يلجئوا للضابطة وليس للضابط تبقاً للمشاعر 

هتنفع اكتر انها تتعامل معاها زي التحرش ، الضابطة هتعرف تتعامل اكتر معاها 

وعدد دفعاتي في مجال المتخصصين 40 بنت من جميع المحافظات وتخصصات مختلفة ومعايا بنات من المنيا وأسوان وشغالين في مديريات الأمن .

الاعتماد علي المرأة في الداخلية أكثر فائدة الان 

النقيب / علا عبد المجيد : العنصر النسائي في الفترة اللي فاتت ليه اثر جداً في وسط الناس ودا لاحظناه كلنا في فترة العيد بالذات والبنت بتنكسف تتكلم مع ضابط  وعلشان كدة بتلجئ للضابطة في مواضيع التحرش والإقبال زائد اوي في التقديم في اكادمية الشرطة ، وبتكون الرماية عند البنات  اقوي عند الرجال كمان .

أكاديمية الشرطة للرجال فقط هل نغير التعبير دا 

النقيب / هبة عبد الوهاب : اكيد طبعاً لازم نغير الكلام دا أكاديمية الشرطة للضباط وللضابطات للذكور والاناث طبعاً عندنا بنات بتتفوق علي الرجال في كل شيئ 

في الرماية وفي اللياقة 

أثناء التدريبات المشتركة في بنات بتتفوق علي الرجال ، الشرطة النسائية هتاخد وضعها محتاجين مجالات كتير 

في ظابطات لديهم ولاد زي العقيد نشوي وشايفة شغلها في الشارع وعندنا رتب لواءات زي لواء عزه ، كوثر ، فاتن ، ايمان .