اكتر الاسئلة الشائعة للمتخصصين

1- أمتي التقديم؟ 
هتقدم شرطه هتستني الإعلان اخر شهر 7 والتقديم اول 8 
هتسحبي مباشرة من مقر أكاديمية الشرطة

لو هتقدمي حربيه هتستني الإعلان آخر شهر 11 والتقديم اول 12
 بتسحبي مباشر من مقر الكليه الحربية

2- افرض تخصصي مطلبش ؟
 مش هتقدري تقدمي الا لو فيه تخصص تاني موازي التخصص المطلوب يعني نفس المواد اللي الكليتين بيدرسوها
 يعني طالبين لغات انجلش وانت تربية انجلش ليك تقدم

3- لو اهلي مش معاهم مؤهلات هل هسقط؟ 
لو هتقدمي شرطه بنسبه 600% اهـ والسنة اللي فاتت للأسف ناس كتير طلعت من القدرات علشان دا
لو حربيه النسبه 300%

4- ايه الحاجات الي تخرجني طبي؟ 
- نظرك ضعيف
- مشاكل في القلب

- مشاكل في النطق ، الدغ
- مشاكل في السمع
- عرق الايد الزياده
- البواسير الدرجة الشديدة
- تقوس العظام ( الأرجل + اليدين )
- الفلات فوت
- انيميا الدم / الفول / الفيروسات الخطيرة
 - حب الشباب / أمراض جلدية صعبه

5- ايه الحاجات الي تخرجني رياضي؟ 
متعرفيش تلعبي بطن كويس / عقله
لياقتك متسمحش انك تجيبي الـ 100/200

6- ايه اسئله الهيئة؟ 
في شرطه مبتتسالش بتخش تقول بياناتك وتخلص
حربيه بتخش تقول بياناتك ويسالك اما
* سؤال في تخصصك
* سؤال في عواصم البلاد / اسئله عامه

7- ايه اكتر شي بيعيق قبولي؟ 
التحريات الأمنية عليك
مجموعك الرياضي منخفض
 في حاله كان التخصص مقدم فيه إعداد كبيرة بيفاضلوا بالتقدير

8- المصاريف كام؟ 
( حربيه )
ذكور : 6500 
إناث : 5500

( شرطه )
إناث : 20250
ذكور : 20185

بتتدفع مره واحدة لمدة 6 شهور

9- هل لازم واسطه علشان أقبل؟

كل واحد عارف نفسه لو عندك ثقه بربنا هتقبل ولو كان ضدك مين
 المشكله هي ثقتك في نفسك

10- احضر أوراقي من أمته؟ 
 تقدري من دلوقتي تحضري الأوراق اللي بتاخد وقت اللي هو القيد

11- حملة الماجستير والدكتوراه ليهم حق التقديم؟

اها ليهم وأول دفعه السنه دي ليهم حق التقديم في شرطه