المعهد الصحي للقوات المسلحة

كتبت | Cap Remo

دا المعهد الصحي دا الحاجة الوحيدة المتاحة للبنات بعد الثانوي ولازم الشعبة علمي علوم ولازم مجموعك 60% فأكثر ودرجة اللغه الانجليزية 75%

اولا المعهد التمريض العسكري اتقفل واتفتح مكانه المعهد الفني الصحي 

دا بيكون التقديم فيه ب شهادة الثانويه العامه شعبه علمي علوم فقط ( ذكور / اناث )

التخرج بيكون برتبه رقيب وبتستمر الترقيات لحد ما توصل ظابط ( بعد كذا سنه ) 

سحب الملفات للبنات من مستشفى المعادي العسكري 

الشباب من مستشفى كوبري القبه 

بتاخدي معاكي الاتي :

١٠٠ جنيه تمن الملف / شهاده الميلاد / اهم حاجه شهاده الثانويه 

بتدخلي تستلمي الملف وهو ملف واحد ومعاه كارت التردد وهما هيحددولك فتره تسلمي فيها الملف 

 بتروحي تملي الملف بتاعك وتروحي تسلميه ف اليوم اللي اتحددلك فيه وهناك هيحددولك معاد الكشف الطبي ( رسم قلب / حنجره /جلديه / اشعه / اسنان / رمد / جراحه / سونار/ نسا ) 

بتخلعي هدومك كلها وبتلبسي الجاون واوفر شوز وبتتوزعي علي العيادات وبتنفذي تعليمات الدكتور 

وبعد ما تخلص كل الكشوفات بيحددولك يوم عشان تعرفي نتيجتك 

بعدين كشف السمات والقدرات والنفسي كله في يوم واحد

البنات بيكون كشفهم في مستشفى الماظه تقريبا

اللي بيحصل ف اليوم الاتي 

بيراجعوا معاكوا الورق 

بتتصوروا 

وبتتقسموا مجموعات 

بعد كدا المقابله الشخصية وهي شبة الهيئة بالظبط 

بتلبسي لبس نضيف وشيك ومحترم وبلاش الوان فاقعة

وفي ظباط  برا هيقولولك هتقولي ايه في المقابلة

بتدخلوا مجموعات وبتقفوا جمب بعض 

واللي يتنده علي اسمها بتتقدم خطوه تعرف نفسها ولو في سؤال اضافي  تجاوب علي الاسئله ولما تخلص ترجع الخطوه لورا تاني 

ولما تخلص المقابله هيحددولك معاد تعرفي في نتيجتك 

كدا كل حاجه 

بالتوفيق